September 21, 2023
  1. Home
  2. Labarai

Labarai

Labarai

Farashin Hatsi Na 'wuta' A Kasuwannin Jihar Katsina

zaharaddeen Gandu July 11, 2023 - 03:51:14 pm

Farashin Hatsi na 'wuta' a kasuwannin jihar Katsina Hatsi farashin sa na ƙara yin tashin goron zabuwa a Kasuwannin jihar Katsina Matsalar tsadar rayuwa ta buɗe wani sabon babi a yankunan jihar Katsina yayin da farashin kayan amfanin gona yayi tashin goran zabuwa. Masara da Dawa ne aka fi neman kayan abinci a kasuwannin Funtuwa da Dandume da kuma Bakori, inda aka ga masu saye da yawa suna fatattakar ‘yan tsirarun da ake kawowa a kasuwanni. A lokacin zantawa da wani Dillalin kasuwar, Sabo Halliru a kasuwar Masara a Dandume yace hauhawar kayan Abinci bai ba su mamaki ba da yayi tashin goran zabi domin sun yi hasashen karancin Masara musamman bayan hutun Sallah. Yace sun san a wannan lokaci Manoman sun sayar da ‘yan hatsin da suka ajiye domin Noma. Wasu daga cikinsu da suka yi amfani da tsarin musanyar kuɗi don tara amfanin gona ba su shirye su kawo shi Kasuwa ba a yanzu; muna shirin samun riba mai yawa nan da makonni masu zuwa. Halliru ya kara da cewa, Masara mai nauyin kilogiram 100 a yanzu bai zai gaza kimanin kuɗi N38,500 a kasuwar Dandume. A cewar sa, a ranar Talatar da ta gabata an sayar da buhunan Masara da Dawa a kasuwar Bakori kan kuɗi N40,000 da kuma N36,000. A ranar Laraba ne aka sayar da masara kan Naira 38,500 da kuma dawa N34,000 a kasuwar Dandume. Gero ma ya haura Naira 39,000. Wani mazaunin garin Funtua Usman Aminu ya ce sakamakon tashin farashin kayan masarufi ya sa gidaje da dama ke kwana ba ci ba sha. Duk da an san cewa, Ciyar da iyalanmu ya zama wajibi, ma’aunin garin masara yanzu ya koma Naira 1000 maimakon N600 da aka sayar da shi makonni baya. Shinkafar gida ma ta kai N72,000 daga N66,000 kan kowacce kilo 100 yayin da ake sayar da gwangwani a kan N1,800 a kasuwannin cikin gida. Kamar yadda Daily Trust ta rawaito, inda Ɗankasuwar Aminu ya bayyana cewa, a yankunan karkara da akasarin mutane ke yin sana’o’i masu karamin karfi, ba za su iya samun sama da Naira 1000 a rana ba, don haka sai sun ciyar da iyalansu akalla sau biyu a rana". "Abincin murabba'i uku ba zai yuwu ba, wasu suna ciyarwa sau biyu yayin da wasu, sau ɗaya ne kawai. Wadanda ba su iya sayen garin masara ko shinkafa sun koma garin rogo wanda a yanzu ya kai Naira 600 a kowace mudu". “Abincin da aka sarrafa kamar su macaroni, spaghetti da couscous sun fi karfin talakawan karkara; mun dogara ne kan abin da muke nomawa kuma matsalar ita ce, amfanin gonakin da yawancinmu ba za su iya samu ba,” in ji Usman Aminu. Dangane da dalilan da suka sa ake fama da karancin kayan amfanin gona musamman masara, Alhaji Sa’adu Yan’kara, dillalin hatsi, ya ce baya ga kwashe kayan amfanin gona a lokacin musayar kudi; rashin tsaro da tsadar taki ya rage yawan noman masara a bara. Kazalika, sun bayyana cewa, a nan kananan hukumomin Faskari, Sabuwa da Kankara ba a noma gonaki da yawa saboda ‘yan fashi sun mamaye mafi yawan ƙauyukan kuma mazauna garin sun koma garuruwa da garuruwa masu tsaro. Masu iya zuwa Noma dawa da waken soya kawai suke nomawa saboda ba za su iya biyan tsadar taki ba. Irin wannan matsalar ita ce ta sake maimaita kanta a bana.

Labarai

Buhari Ya Dawo Katsina Bayan Ya Kai Ziyara LandanKatsina

zaharaddeen Gandu July 11, 2023 - 12:34:01 pm

Buhari Ya dawo Katsina bayan ya kai ziyara Landan Tsohon shugaban ƙasar Najeriya Muhammadu Buhari ya dawo mahaifarsa ta Daura bayan da ya kai ziyara a Landon A binciken da Katsina Post ta yi ta gano cewa, a ziyarar da tsohon shugaban ƙasar Najeriya Muhammadu Buhari a Asibitin Wellington da ke birnin Landan na kasar Birtaniya a ranar Alhamis din da ta gabata. Saide wata Majiyar ta yi nuni da cewa, Tsohon shugaban ƙasar ya bar Katsina ne zuwa Landon domin hutawa sakamakon rashin samun hutu da bai samu a garin Daura sakamakon masu yawan kai ma sa ziyara a gidansa na Daura. Ya zuwa yanzu, Muhammadu Buhari ya samu damar dawowa gida Najeriya a Mahaifarsa dake Daura cikin jihar Katsina. A ranar 20 ga watan Yuni, SaharaReporters ta ruwaito cewa tsohon shugaban ƙasa Buhari, da dan uwansa na jini Mamman Daura, da sakataren sa na sirri Sabiu Tunde Yusuf, sun haɗe da Buhari zuwa kasar Ingila. kamar yadda SaharaReporters ta samu labarin cewa, mutanen ukun da suka taba riƙe Madafun Iko a fadar shugaban ƙasa, sun bar ƙasar ne a cikin wani jirgin sama mai zaman kansa wanda hamshaƙin Attajiri Alhaji Aliko Dangote ya samar.

Labarai

Dikko Raɗɗa Zai ɗauko Hayar ƙwararrun Masu Tatsar Haraji A Katsina

zaharaddeen Gandu July 10, 2023 - 08:52:26 am

Dikko Raɗɗa zai ɗauko hayar ƙwararrun Masu Tatsar Haraji a Katsina Gwamnan jihar Katsina Malam Dikko Umaru Raɗɗa zai ɗauki Kamfanin tuntuɓar kuɗaɗen shiga a jihar Katsina Malam Dikko Umaru Radda, ya bayyana haka a ranar Laraba 5 ga watan Yuli, na shekarar 2023, a lokacin da ya karɓi baƙuncin wasu Kamfanoni Bakwai na karɓar Haraji. Gwamnan ya tattauna kan yuwuwar haɗin gwiwa da Hukumar Tattara kuɗaɗen shiga ta jihar Katsina (KTIRS) domin ƙarfafa ayyukan tara Haraji a jihar Katsina. Da yake jawabi tare da fahimtar da su muhimmancin rage dogaro ga kuɗin Gwamnatin Tarayya da nufin samar da tsarin tattalin arziƙin da zai bunƙasa a kan ƙaruwar kuɗaɗen shiga na cikin gida (IGR), Gwamna Radda ya bayyana aniyar gwamnatinsa na hayar Kamfani mafi cancantar harajin da zai iya ƙididdigewa da inganta tattara kuɗaɗen shiga. Katsina Post ta samu cewa, Manufar ita ce samar da isassun kuɗaɗe don biyan albashin ma’aikatan jihar ba tare da dogaro da kason da Gwamnatin Tarayya ke yi ba. Kamar yadda Katsina Post ta samu majiya daga Vanguard, Gwamna Radda ya bayyana cewa, Hukumar na da fa'ida sosai don aiwatar da gyare-gyare masu yawa a cikin tsarinsu na IGR, sun yi imani da cewa za su iya samun sakamako mafi kyau ta hanyar inganta ingancinsa. Ya kuma nuna jin ɗadinsa ga masu ba da shawarwarin da suka ba su kwarewa da kuma iliminsu don kawo sauyi ga hukumar tattara kuɗaɗen shiga ta jihar Katsina. A yayin gabatar da su, Rentech Solutions sun bayyana shirye-shiryen su don gabatar da hanyoyin samun dama da masu amfani waɗanda aka tsara don haɓaka tarin abubuwa daban-daban. Sun kuma bayyana aniyarsu ta ƙulla ƙawance da hukumar tattara kuɗaɗen shiga ta jihar Katsina domin magance matsalolin da aka gano masu a ciki domin magancewa. Bugu da ƙari, Rentech Solutions ya ba da shawarar haɗaɗɗen hanyar tattarawa wanda zai ba da damar sabis na kuɗaɗen shiga don samun ingantacciyar hanyar tattara kuɗaɗen shiga da dogaro, yayin da a lokaci guda rufe madogaran da ke akwai tare da magance wuraren zafi. Sauran mashahuran masu ba da shawara kan haraji da suka halarci taron sun haɗa da; Interliwork Technologies, Primegauge Solutions, Astond Consult, Touch & Pay Tech, da Rahza Tech. shirin dai na nuni da wani gagarumin mataki na kafa tsarin samar da kuɗaɗen shiga mai ɗorewa a jihar Katsina, Ta hanyar amfani da ƙwarewa da gogewar waɗannan Kamfanoni masu ba da shawara kan Haraji, gwamnatin jihar na da burin inganta hanyoyin tattara kuɗaɗen shiga da ba da gudummawa ga ci gaban tattalin arziki da ci gaban jihar baki ɗaya.

Labarai

Gwamna Raɗɗa Ya Kafa Kwamitin Da Zai Binciki Bashin Da Ake Bin Jihar Katsina

Usman Salisu July 10, 2023 - 08:28:33 am

Gwamna Raɗɗa ya kafa kwamitin da zai binciki bashin da ake bin jihar Katsina An baiwa Kwamitin binciko da duk wasu basussukan da gwamnatin gwamnan jihar Katsina, Mal. Dikko Radda ya gada cewa yana da wata guda ya mika rahotonsa kamar yadda sakataren gwamnatin jihar, Arc. Ahmed Musa Dangiwa, ya bayyana. Da yake jawabi a wajen kaddamar da kwamitin a Katsina, Arc. Dangiwa ya dora wa kwamitin alhakin tantance duk wani bashin da ake bin gwamnatin jihar, da tanadin kasafin kudin da aka yi na irin wadannan basussuka, adadin da aka biya ya zuwa yanzu da ma’auni, tare da nuna yanda za a yi idan irin wannan bashin ya fada karkashin tallafin hadin gwiwa ko kuma ya kasance karkashin tallafin Kungiyoyin duniya. Sauran sharuddan kwamitin, a cewarsa, sun hada da sake duba tanadin kasafin kudi na irin wadannan basussukan da kuma shawarwari ga gwamnati, a inda ya dace, kan wasu hanyoyin samar da asusu domin daidaita kudaden da aka tabbatar. Kwamitin nada Arch. Almajir Salihu a matsayin shugaba, tare da Engr. Sani Magaji, Shamsuddeen Sanusi Ahmad, Suleiman Musawa, Engr. Babangida Yahaya Abubakar and Arch. Bashir Muhammad Idris, da sauran su, mataimakin gwamnan jihar, Mallam Faruk Lawal Jobe, ya ce kwamitin ya dogara ne akan kudirin gwamnati na tabbatar da adalci da kuma sauraren shari’ar duk ‘yan kwangilar da ke da hakki. Ya bayyana kwarin gwiwar cewa mambobin kwamitin za su kasance daidai da aikin bisa la’akari da kwarewa da jajircewa na su. Mataimakin Gwamnan ya bukace su da su jajirce wajen gudanar da ayyukansu tare da gabatar da rahotonsu cikin lokacin da aka kayyade

Labarai

An Roƙi Tinubu Kar Ya Saka Masari Cikin Jerin Waɗanda Zai Ba Muƙamai

zaharaddeen Gandu July 09, 2023 - 09:23:19 pm

An roƙi Tinubu kar ya saka Masari cikin jerin waɗanda zai ba muƙamai Ɗangwagwarmaya Abdulmuminu Shehu Sani ya buƙaci shugaban ƙasa Tinubu kar ya saka jerin sunan Tsohon Gwamnan jihar Katsina Aminu Bello Masari a cikin jerin waɗanda zai ba muƙamai a Gwamnatin sa. A cewar sa Masari da ya shugabance su a Katsina ba su ji daɗin mulkin sa ba, don haka kar ya yarda wasu Maɓarnata su shigo cikin gwamnatin sa kamar irin su Aminu Bello Masari a kowanne ɓangare. Ya ayyana cewa lokacin da Gwamna Masari ya gaji gwamnatin jihar Katsina a hannun Alhaji Ibrahim Shehu Shema ba a binta ko sisin-kwabo amma ya barma jihar Katsina bashin Naira Biliyan 135. A cewar sa, dokar ƙasa ta ba shi damar yin ba'asi ko tsokaci tare da yin sharhi ga wanda ke shugabantar sa idan yayi ba daide ba ya faɗa. Kamar yadda Katsina Post ta rawaito, yace akwai hujjoji ma su tarin yawa da ya kamata EFCC, ICPC, Majalisar Dokoki ta Kasa, da Gwamnatin Jihar Katsina za ta binciki Masari. Ya bayyana haka ne a lokacin taron Manema Labarai da ya gudanar a rana Laraba 5 ga watan Yuli na shekarar Dubu Biyu da Ashirin da Uku. Kwamarad Abdulmuminu Shehu Sani ya bayyana ma Shugaban ƙasa Alhaji Asiwaju Bola Ahmad Tinubu cewa, kar ya amince da girmama Cin-hanci da Rashawa da kuma sabunta waɗanda suke gurɓatattu da ba su cancanta su zama shugabannin wasu ba a cikin gwamnatin sa musamman irin su Aminu Bello Masari. Yayi kira da babbar Murya da kada ya ba irin su Tsohon Gwamnan jihar Katsina Aminu Bello Masari wani muƙami a Gwamnatin sa domin maimakon kawo gyara a shugabancin sa babbar ɓarna zai tabka kamar yadda ya tabka a jihar Katsina. A cewar sa, akwai Rashawa da tarin Asarar Dukiyoyi da rasa rayuka da aka tafka a ta dalilin shugabancin Aminu Bello Masari, don haka akwai abubuwa masu tarin yawa da mutane ya kamata su sani gameda ɓarnatar da dukiyar al'umma da gwamnatin sa ta rinƙa yi na halin-ko-inkula a lokacin. Yace yayi taron Manema Labarai tare da izinin Hukumar EFCC, da Hukumar ICPC, Daraktan Sashen Ma'aikatan jihar Katsina, Kwamishinan 'Yansanda na jihar Katsina, Hukumar Kare Kaƙin Ɗan-adam ta ƙasa dake Abuja, Hukumar Kare Kaƙin Ɗan-adam ta Duniya dake Amurka. Yayi tuni da cewa, gwamnatin Masari ta yi alƙawarin magance matsalolin ruwan sha tare da magance Matsalar ambaliyar ruwan sha a faɗin jihar, wanda har aka fidda kuɗi kimanin Naira Miliyan dubu 9 da ɗari 1. Amma har ya kammala wa'adin mulkinsa bai cika alƙawarin da ya ɗauka ba saima wandaƙa da kuɗin wanda har yanzu ba a san me yayi da kuɗin ba, saide yayi gyaran ma'aikatar da take bada ruwa da gyaran injina sai fenti. Ya ƙara da cewa, Masari yayi sama da kuɗaɗen ƙananan hukumomi kimanin Naira Biliyan 2 na gudanar da yin zaɓe ba bisa ƙa'ida ba, wanda hakan rashin bin doka ne a taɓa kuɗaɗen kananan hukumomi ba tare yawun ƙananan hukumomi ba. Ya jaddada cewa, yana so Masari ya fito fili yayi jawabin inda ya kai kuɗin Labi da Noma kimanin Naira Biliyan 6 da Naira Miliyan 250 na Gandun Daji na haɓɓaka al'ummar jihar Katsina da yayi wandaƙa da su. Ya ƙara jaddada cewa, Masari yayi sama da faɗi da kuɗin Paris-club wanda yayi da'awar cewa a ba shi ƙudin zai biya bashin kuɗin Fansho da Giratuti wanda ya jefa Katsina cikin Bashin kuɗin kimanin Naira Miliyan 35, sannan duk wasu filayen Gwamnati da duk ya Saida daga ciki hada dazuka KATARDA don haka ya kamata hukumar EFCC da ICPC su bincike shi. Kazalika, yana ƙalubalantar Masari da kashe kuɗi a lokacin gudanar da zaɓen shekarar 2023 na ganin jam'iyyar APC tayi nasara a takarar Dikko Umaru Raɗɗa na tilasta ma ma'aikata a kan dole sai sun zaɓi jam'iyyar APC wanda hakan laifi ne kuma ya saɓa ma dokar ƙasa don haka ya kamata a bincike shi.

Labarai

An Kori Jami'an Hukumar Hisbah Guda 8 A Jihar Katsina

zaharaddeen Gandu July 09, 2023 - 07:50:48 pm

An kori jami'an hukumar Hisbah guda 8 a jihar Katsina Hukumar Hisbah a jihar Katsina sun kori jami'an su guda 8, karkashin jagorancin mai shari'a Abubakar Hamisu Iman. Kamar yadda Katsina Post ta samu; Hukumar ta kori wasu daga cikin shuwagabannin ta dake jihar Katsina. A cewar sanarwar, Hukumar ta ɗauki matakin ne sakamakon Tawaye da bijire ma duk wani matakin sulhu da aka bi domin samun maslaha amma jami'an suka ƙiya. Hakan na ƙunshe a cikin wata takarda da kakakin Hukumar Buhari Ibrahim ya raba wa Manema Labarai a ranar Asabar ɗin da ta gabata jiya 08/9/2023, wanda takardar ke ɗauke da kwanan Wata na 2 ga watan Yuli, na shekarar 2023. Rundunar tana sanar ma jama'a da Gwamnati da yan Jarida da Jami'an Tsaro cewa, yanzu waɗannan ba yan (Lajnatul Hisbah Association of Nigeria) rashen jihar Katsina ba ne. A lokacin fitar da sanarwar an fidda jerin sunayen da aka kora da suka haɗa da; 1. Rabi'u Garba, Tsohon Secretary General na jihar Katsina 2. Abdullahi Yusuf, Tsohon Discipline na jihar Katsina 3. Aminu Aliyu Albany, Tsohon ICT na jihar Katsina 4. Mahadi M. Mahadi, Tsohon Commander na shiyar Katsina 5. Samaila Mamman Kurfi, Tsohon Organizing Secretary na jihar Katsina 6. Shehu Garba, Tsohon mataimakin commander na shiyar Funtua. 7. Yahaya Imam Khadahar, Tsohon Commander na shiyar Daura 8. Aminu Bello Mani, Tsohon mataimakin Secretary General na jihar Katsina Kazalika, Rundunar ta naɗa sababbin shuwagabanni waɗanda suka maye gurbin waɗanda aka kora, kuma aikin su zai fara nan take, Sunayen Sababbin shuwagabanni sun haɗa da; 1. HALLIRU UMAR STATE. SECRETARY GENERAL 2. BUHARI IBRAHIM STATE PRO 3. MUKTAR SANI ABUKUR KT ZONAL COMMONDAN 4. IBRAHIM ALI YARO DIVISIONAL COMD BATAGARAWA LG 5. ADAMU GARBA DIVISIONAL COMD KURFI 6. TANIMU AUDU DIVISIONAL COMD RIMI 7. AHMAD IBRAHIM ZONAL COMD DAURA Daga Muhammad Kabir

Labarai

Za'a Rushe Gine-ginen Dake Bisa Hanyar Ruwa A Katsina

Sadiq Bindawa July 09, 2023 - 06:05:55 pm

Gwamnatin jihar Katsina ta ba da umarnin rushe gine-ginen da ke kan magudanar ruwa a jihar a wani mataki na kaucewa sake afkuwar matsalar ambaliyar ruwa da ta afku a kwanakin baya. Mataimakin gwamnan jihar, Alhaji Faruq Jobe ya ba da umarnin ne ga hukumar tsara birane (URPB) na jihar jim kaɗan bayan ya ziyarci wasu yankunan da ambaliyar ruwa ta shafa a babban birnin jihar. Joɓe ya dora laifin ambaliyar ruwa da ta haifar da barna a babban birnin jihar a kan gine-ginen da aka gina a magudanan ruwa da kuma zubar da shara ba gaira ba dalili a magudanun ruwa. Acewar shi, hukumar URPB za ta gano tare da ruguza kowane gine-ginen da ke bisa hanyoyin ruwa don dakile matsalar ambaliyar ruwa a jihar. Mataimakin gwamnan Katsina ya kuma bayyana cewa tuni gwamnatin jihar ta fara aikin fadada da gyaran magudanan ruwa a jihar domin magance sake afkuwar lamarin. Kazalika, Farouk Jobe ya ce hukumar bayar da agajin gaggawa ta jihar (SEMA) ta fara tantance wadanda ambaliyar ta shafa a baya-bayan nan domin baiwa gwamnati damar taimaka musu da kayayyakin agaji.

Popular News

Katsina Post Hausa

Dan Marigayi Tsohan Shugaban Kasa, Umaru Musa Yar'adua Ya Rasu A Katsina

December 16, 2021 - 01:22:27 pm
CHERISH SCHOOL OF SCI & TECH

Newsletter

Maidabino Investment
© 2023   Katsina Post   All Rights Reserved Powered By: Leadware Technologies
  Advertise With US   Privacy   About US   Contact Us
  Ethics  | Corrections Policy  | Fact-Checking Policy  | Ownership & Funding Info